മഴയെത്തും മുൻപേ [2]

---

ചിത്രം: മഴയെത്തും മുൻപേ
സംവിധാനം: കമൽ
വർഷം: 1995
രചന: കൈതപ്രം
സംഗീതം: രവീന്ദ്രൻ
പാടിയത്‌: കെ.എസ്‌ ചിത്ര, കെ.ജെ യേശുദാസ്‌

---

എന്തിനു വേറൊരു സൂര്യോദയം
നീയെൻ പൊന്നുഷസന്ധ്യയല്ലേ
എന്തിനു വേറൊരു മധുവസന്തം
ഇന്നു നീയെന്നരികിലില്ലേ
മലർവനിയിൽ വെറുതേ

നിന്റെ നൂപുര മർമ്മരം
ഒന്നു കേൾക്കാനായ്‌ വന്നു ഞാൻ
നിന്റെ സാന്ത്വന വേണുവിൽ
രാഗലോലമായി ജീവിതം
നീയെന്റെ ആനന്ദ നീലാംബരി
നീയെന്നുമണയാത്ത ദീപാഞ്ജലി
ഇനിയും ചിലമ്പണിയൂ

ശ്യാമഗോപികേ ഈ മിഴി
പൂക്കളിന്നെന്തേ ഈറനായ്‌
താവകാംഗുലി ലാളനങ്ങളിൽ
ആർദ്രമായി മാനസം
പൂകൊണ്ടു മൂടുന്നു വൃന്ദാവനം
സിന്ദൂരമണിയുന്നു രാഗാംബരം
പാടൂ സ്വരയമുനേ

---

Click Here To View The Song "Enthinu Veroru Sooryodayam"

---

ചിത്രം: മഴയെത്തും മുൻപേ
സംവിധാനം: കമൽ
വർഷം: 1995
രചന: കൈതപ്രം
സംഗീതം: രവീന്ദ്രൻ
പാടിയത്‌: സുജാത, കെ.ജെ യേശുദാസ്‌

---

ആത്മാവിൻ പുസ്തകതാളിൽ ഒരു മയിൽപ്പീലി പിടഞ്ഞു
വാലിട്ടെഴുതുന്ന രാവിൻ വാൽകണ്ണാടിയുടഞ്ഞു
വാർമുകിലും സന്ധ്യാംബരവും ഇരുളിൽ പോയ്‌മറഞ്ഞു
കണ്ണീർ കൈവഴിയിൽ ഓർമ്മകൾ ഇടറിവീണു

കഥയറിയാതിന്നു സൂര്യൻ സ്വർണ്ണതാമരയെ കൈവെടിഞ്ഞു
അറിയാതേ ആരുമറിയാതേ ചിരിതൂകും താരകളറിയാതെ
അമ്പിളിയറിയാതേ ഇളംതെന്നലറിയാതേ
യാമിനിയിൽ ദേവൻ മയങ്ങി

നന്ദനവനിയിലെ ഗായകൻ ചൈത്രവീണയെ കാട്ടിലെറിഞ്ഞു
വിടപറയും കാനനകന്യകളേ അങ്ങകലേ നിങ്ങൾ കേട്ടുവോ
മാനസതന്ത്രികളിൽ വിതുമ്പുന്ന പല്ലവിയിൽ
അലതല്ലും വിരഹ ഗാനം

---

Click Here To View The Song "Aathmaavin Pusthakathaalil"

---