Tuesday, August 10, 2010
ശിക്കാർ [2]
ചിത്രം: ശിക്കാർ
സംവിധാനം: എം.പദ്മകുമാർ
വർഷം: 2010
രചന: ഗിരീഷ് പുത്തെഞ്ചേരി
സംഗീതം: എം.ജയചന്ദ്രൻ
പാടിയത്‌: ലതാ കൃഷ്ണൻ, കെ.ജെ യേശുദാസ്
പിന്നെ എന്നോടൊന്നും പറയാതെ പകൽ‌പക്ഷി സ്വയം പറന്നെങ്ങോ പോയ്
കടലാഴങ്ങളിൽ ഒരു തൂവലുമായ് അകലെ നിൽ‌പ്പൂ ജലമൌനം പിന്നെ
പിന്നെ എന്നോടൊന്നും പറയാതെ പകൽ‌പക്ഷി സ്വയം പറന്നെങ്ങോ പോയ്
തിരിതാഴും സന്ധ്യാസൂര്യൻ നിഴൽ മഞ്ഞിൽ നീങ്ങും പോലെ
ഒരു പാവം പൂമൊട്ടായ് നീ ചേർന്നുറങ്ങൂ
കരയാതെൻ കണ്ണീർ മുത്തേ കൺ‌നിറയേ കണ്ടോട്ടേ നിൻ
കവിളത്തെ അമ്മചിമിഴിൽ പാൽമധുരം
നാത്തുമ്പിൽ നാദം പോലെ നാക്കിലമേൽ അന്നം പോലെ
നിനക്കെന്നുമെൻ പുണ്യം വിളമ്പി വെയ്ക്കാം
നിന്നേ നിലാവ് കൊണ്ട് നീരാട്ടാം പിന്നെ
പിന്നെ എന്നോടൊന്നും പറയാതെ പകൽ‌പക്ഷി സ്വയം പറന്നെങ്ങോ പോയ്
മുടിമാടിക്കെട്ടാൻ പോലും അറിയാത്ത കാലം നിന്നെ
ഒരു കോടി സ്നേഹത്താൽ ഞാൻ ഉമ്മവെച്ചു
വെയിലാൽ നീ വാടും നേരം തണലായ് ഞാൻ നിന്നു ചാരെ
എരിവേനൽ കാറ്റിൽ നിന്നും കാത്തുവെച്ചു
മൊഴിയറിയാ മക്കൾ വെറുതേ വളരേണ്ടെന്നാദ്യം തോന്നി
വളർന്നാലുമെന്നും നീയെൻ കുരുന്നു തന്നെ
നിന്നെ കിനാവു കൊണ്ട് താരാട്ടാം
പിന്നെ എന്നോടൊന്നും പറയാതെ പകൽ‌പക്ഷി സ്വയം പറന്നെങ്ങോ പോയ്
കടലാഴങ്ങളിൽ ഒരു തൂവലുമായ് അകലെ നിൽ‌പ്പൂ ജലമൌനം പിന്നെ
പിന്നെ എന്നോടൊന്നും പറയാതെ പകൽ‌പക്ഷി സ്വയം പറന്നെങ്ങോ പോയ്
പകൽ‌പക്ഷി സ്വയം പറന്നെങ്ങോ പോയ്
പകൽ‌പക്ഷി സ്വയം പറന്നെങ്ങോ പോയ്
ചിത്രം: ശിക്കാർ
സംവിധാനം: എം.പദ്മകുമാർ
വർഷം: 2010
രചന: ഗിരീഷ് പുത്തെഞ്ചേരി
സംഗീതം: എം.ജയചന്ദ്രൻ
പാടിയത്‌: കെ.എസ് ചിത്ര, സുദീപ് കുമാർ
എന്തെടീ എന്തെടീ പനങ്കിളിയേ നിന്റെ ചുണ്ടത്തേ ചൊങ്കപ്പൂ ചോന്നതെന്തേ
കണ്ണാടിയിൽ നിന്റെ കൺ‌പീലിയിൽ കള്ളകരിമഷിയെഴുതിയതാരാണ്
അന്തിക്കീ ചെന്തെങ്ങിൽ പറന്നിറങ്ങും മേലെമാനത്തെ കുന്നത്തേ പൊന്നമ്പിളി
അരിമുല്ലമേൽ കാറ്റു കളിയാടും പോൽ എന്റെ ചിരിച്ചെപ്പു കിലുക്കണതാരണ്
പൂമാലക്കാവിൽ പൂരക്കാലം ചിങ്ങ പൂത്തുമ്പിപ്പെണ്ണിൻ കല്യാണം
ചിങ്കാര ചാന്തും മിന്നും പൊന്നും പുള്ളിപ്പാവാടയും പട്ടും വാങ്ങേണം
കന്നിക്കദളിപ്പൊൻ കുടപ്പന്റെ കളിവള്ളം മെല്ലെ തുഴഞ്ഞിതിലെ
നീ പെണ്ണേ പോരുകില്ലേ ഹും ഹൂം
മഞ്ചാടിക്കൊമ്പിൽ ഊഞ്ഞാലാടാം സ്വർണ്ണമാനോടും മേഘങ്ങൾ നുള്ളി പോരാം
വെള്ളോട്ടു മഞ്ഞിൽ മേയാൻ പോകാം വെള്ളി വെള്ളാരം കല്ലിന്മേൽ കൂടും കൂട്ടാം
തുള്ളിത്തുളുമ്പുന്ന കുളിരിളം കരിക്കിന്റെ തുള്ളിയ്ക്കുള്ളിൽ ഒളിച്ചു നീ എന്നെ നോക്കിയില്ലേ
എന്തെടീ എന്തെടീ പനങ്കിളിയേ നിന്റെ ചുണ്ടത്തേ ചൊങ്കപ്പൂ ചോന്നതെന്തേ
കണ്ണാടിയിൽ നിന്റെ കൺ‌പീലിയിൽ കള്ളകരിമഷിയെഴുതിയതാരാണ്
അന്തിക്കീ ചെന്തെങ്ങിൽ പറന്നിറങ്ങും മേലെമാനത്തെ കുന്നത്തേ പൊന്നമ്പിളി
അരിമുല്ലമേൽ കാറ്റു കളിയാടും പോൽ എന്റെ ചിരിച്ചെപ്പു കിലുക്കണതാരണ്
അഹാ ആഹാ അഹാ ആഹാ അഹാ.
Subscribe to:
Post Comments (Atom)
2 comments:
പാട്ടുകാരൻ വീണ്ടും വന്നിരിക്കുന്നു.
മടങ്ങി വന്നിരിക്കുന്നത് ഗിരീഷ് പുത്തഞ്ചേരിയുടെയും എം.ജയചന്ദ്രന്റേയും മനോഹര ഗാനങ്ങളുമായി..
മടങ്ങി വരവ് മോശമായില്ല :)
തുടരൂ...
Post a Comment