പാട്ടുകാരന്‍: 1991

Showing posts with label 1991. Show all posts

Wednesday, March 11, 2009

സാന്ത്വനം [2]

ചിത്രം: സാന്ത്വനം
സംവിധാനം: സിബി മലയിൽ
വർഷം: 1991
രചന: കൈതപ്രം
സംഗീതം: മോഹൻ സിത്താര
പാടിയത്‌: കെ.എസ്‌ ചിത്ര [കെ.ജെ യേശുദാസ്‌]

ഉണ്ണി വാ വാവോ പൊന്നുണ്ണി വാ വാവോ
ഉണ്ണി വാ വാവോ പൊന്നുണ്ണി വാ വാവോ
നീലപ്പീലി കണ്ണുംപൂട്ടി പൂഞ്ചേലാടാലോ
പൂഞ്ചേലാടാലോ..

മുകിലമ്മേ മഴവില്ലുണ്ടോ മയിലമ്മേ തിരുമുടിയുണ്ടോ
പൊന്നുണ്ണി കണ്ണനു സീമനി കണികാണാൻ മെല്ലെ പോരൂ
അലഞ്ഞൊറിയും പൂങ്കാറ്റേ അരമണിയും ചാർത്തിവരൂ
എന്നുണ്ണിക്കണ്ണനുറങ്ങാൻ വാ വാവോ പാടി വരൂ

ഒരു കണ്ണായ്‌ സൂര്യനുറങ്ങ്‌ മറുകണ്ണായ്‌ തിങ്കളുറങ്ങ്‌
തൃക്കയ്യിൽ വെണ്ണയുറങ്ങ്‌ മാമൂണിനു ഭൂമിയൊരുങ്ങ്‌
തിരുമധുരം കനവിലുറങ്ങ്‌ തിരുനാമം നാവിലുറങ്ങ്‌
എന്നുണ്ണിക്കണ്ണനുറങ്ങാൻ മൂലോകം മുഴുവനുറങ്ങ്‌
മൂലോകം മുഴുവനുറങ്ങ്‌

Click Here To View The Song "Unni Va VaVo"

ചിത്രം: സാന്ത്വനം
സംവിധാനം: സിബി മലയിൽ
വർഷം: 1991
രചന: കൈതപ്രം
സംഗീതം: മോഹൻ സിത്താര
പാടിയത്‌: കെ.എസ്‌ ചിത്ര

സ്വരകന്യകമാർ വീണമീട്ടുകയായ്‌
കുളിരോളങ്ങൾ പകർന്നാടുകയായ്‌
തങ്കരഥമേറിവന്നു
പൂന്തിങ്കൾ പെന്മണിയായ്‌
സുകൃതവനിയിൽ ആരോ പാടും
ആശംസാമംഗളമായ്‌

എങ്ങോ കിനാകടലിന്നുമക്കരേ
അറിയാ മറയെ പുല്ലാംകുഴലൂതുവതാരോ
എന്റെയുള്ളിൽ ആ സ്വരങ്ങൾ ശ്രുതിചേരുമ്പോൾ
മപനിസ ഗ രി ഗരി രി നിസ നിധാ
ഗമ പ ഗമ രി നിധ സ
മെല്ലെ മൃദുപല്ലവി പോലെയതെൻ ഹൃദയ ഗീതമാകവേ
എന്റെ ഒർമ്മകളിൽ വീണലിഞ്ഞ വിരഹ ഗാനമാകവേ
സാന്ത്വനമായ്‌ വന്നൊരീ സൗവർണ്ണ വേളയിൽ

തീരം കവിഞ്ഞൊഴുകുമ്പോൾ പോലുമീ
പുഴയുടെ ഉള്ളം മെല്ലെ തേങ്ങുന്നതെന്തേ
സ്വരകണങ്ങൾ പൊന്നണിഞ്ഞു പെയ്യുമ്പോഴും
മോഹകാർമ്മുകിലിൻ ഉൾതുടിയിൽ കദനതാപമെന്തേ
ഓടിവരും തെന്നലിൽ വിരഹ ഗാനമെന്തേ
ഉണരാത്തതെന്തേ വാസന്ത ദൂതികേ

Click Here To View The Song "Swarakanyakamar Veenameettukayaay"

Wednesday, February 04, 2009

തുടർക്കഥ [3]

ചിത്രം: തുടർക്കഥ
സംവിധാനം: ഡെന്നിസ്‌ ജോസഫ്‌
വർഷം: 1991
രചന: ഒ.എൻ.വി കുറുപ്പ്‌
സംഗീതം: എസ്‌.പി വെങ്കിടേഷ്‌
പാടിയത്‌: എം.ജി ശ്രീകുമാർ, കെ.എസ്‌ ചിത്ര

ആതിരവരവായി പൊന്നാതിരവരവായി
നിളയുടെ പുളിനവും ഇന്നാലോലം
അഴകൊടു കമലദളം നീട്ടുന്നു
മാംഗല്യഹാരം ദേവിക്കു ചാർത്താൻ
മഞ്ജുസ്വരങ്ങൾ കോർത്തൊരു ഹാരം ശ്രീരാഗമായ്‌

ഒരുകാലിൽ കാഞ്ചന കാൽച്ചിലമ്പും
മറുകാലിൽ കരിനാഗ കാൽതാളവും
ഉൽപുളകം തുടി കൊട്ടുന്നുവോ
പാൽ തിരകൾ നടമാടുന്നുവോ
കനവോ നിലാവോ ഉതിരുന്നുലകാകെ

താരാപദങ്ങളിൽ നിന്നിറങ്ങീ
താണുയർന്നാടും പദങ്ങളുമായ്‌
മാനസമാകും തിരുവരങ്ങിൽ
ആനന്ദലാസ്യം ഇന്നാടാൻ വരൂ
പൂ കുടയായ്‌ ഗഗനം
പുലർകാല കാന്തിയണിയേ
പാർത്തലമാകെയിതാ ശിവശക്തി താണ്ഡവം
ധിരന ധിം തനന ധിരന ധിം തനന ധിം ധിം
തനന ധിം ധിരന ധിം ധിരന ധിം

ചിത്രം: തുടർക്കഥ
സംവിധാനം: ഡെന്നിസ്‌ ജോസഫ്‌
വർഷം: 1991
രചന: ഒ.എൻ.വി കുറുപ്പ്‌
സംഗീതം: എസ്‌.പി വെങ്കിടേഷ്‌
പാടിയത്‌: കെ.എസ്‌ ചിത്ര, എം.ജി ശ്രീകുമാർ

മാണിക്യക്കുയിലേ നീ
കാണാത്ത കാടുണ്ടോ
കാണാത്ത കാട്ടിലേതോ
നീലകടമ്പുണ്ടോ

നീലപ്പൂങ്കടവിൽ കണ്ണൻ
ചാരി നിന്നാൽ
നീളെ നീളെ പൂമാരീ
നീളെ പൂമാരീ

കാണാക്കാർ കുയിലായ്‌ കണ്ണൻ
ഇന്നും വന്നോ
എന്തേ ഇന്നീ പൂമാരീ
എന്തേ പൂമാരീ

അളകാപുരിയിൽ അഴകിൻ വനിയിൽ
ഒരുനാൾ ഒരുനാൾ ഞാൻ വരും
കുളിർ നിഴലെഴും വഴികളിൽ
വരവേൽക്കുവാൻ കിളിമൊഴികളായ്‌
അരുമയായ്‌ സ്വരവന്ദനം
മതിമുഖീ നിൻ പ്രമദവനികയിൽ

രാജസദസ്സിൽ ഞാനണയുമ്പോൾ
ഗാനവിരുന്നിൻ ലഹരികളിൽ
ഞാനറിയാതേ പാടുവതുണ്ടാ
രാജകുമാരി ഉണരുണരൂ
സുരതരു പുഷ്പശോഭമാം മിഴികൾ
തെരുതെരെ എന്നെയാർദ്രമായ്‌ തഴുകും
വരികയായ്‌ ഹൃദയവനികയിൽ

നീ മടിചേർക്കും വീണയിൽ എൻ പേർ
താമരനൂലിൽ നറുമണിപോൽ
നീയറിയാതേ കോർത്തരുളുന്നു
രാജകുമാരാ വരു വരു നീ
മധുരമൊരാത്മഹർഷമോ മൊഴിയിൽ
മധുകണമായി മാറുമാ നിമിഷം
വരികയായി പ്രമദവനികയിൽ

Thursday, November 13, 2008

പൂക്കാലം വരവായി [1]

ചിത്രം: പൂക്കാലം വരവായി
വർഷം: 1991
രചന: കൈതപ്രം
സംഗീതം: ഔസേപ്പച്ചൻ
പാടിയത്‌: ജി.വേണുഗോപാൽ [കെ.എസ്‌ ചിത്ര]

ഏതോ വാർമുകിലിൻ കിനാവിലെ മുത്തായ്‌ നീവന്നു
ഓമലേ ജീവനിൽ അമൃതേകാനായ്‌ വീണ്ടും
എന്നിലേതോ ഓർമ്മകളായ്‌ നിലാവിൻ മുത്തേ നീവന്നു

നീയുലാവുമ്പോൾ സ്വർഗ്ഗം മണ്ണിലുണരുമ്പോൾ
മാഞ്ഞുപോയൊരു പൂത്താരം പോലും
കൈനിറഞ്ഞൊരു വാസന്തം പോലേ
തെളിയും എൻ ജന്മപുണ്യംപോൽ

നിന്നിളംചുണ്ടിൽ അണയും പൊന്മുളംകുഴലിൽ
ആർദ്രമാമൊരു ശ്രീരാഗം കേൾപ്പൂ
പദമണിഞ്ഞിടും മോഹങ്ങൾ പോലേ
അലിയും എൻ ജീവമന്ത്രം പോൽ

Click Here To View The Song "Etho Vaarmukilin

Friday, September 07, 2007

ഉള്ളടക്കം

ചിത്രം: ഉള്ളടക്കം
വർഷം: 1991
രചന: കൈതപ്രം
സംഗീതം: ഔസേപ്പച്ചൻ
പാടിയത്‌: യേശുദാസ്‌

അന്തിവെയില്‍ പൊന്നുതിരും ഏദന്‍ സ്വപ്നവുമായ്‌
വെള്ളിമുകില്‍ പൂവണിയും അഞ്ജന താഴ്‌വരയില്‍
കണിമഞ്ഞുമൂടുമീ നവരംഗ സന്ധ്യയില്‍
അരികെ വാ.. മധുചന്ദ്രബിംബമേ

കാറ്റിന്‍ ചെപ്പു കിലുങ്ങി ദലമര്‍മ്മരങ്ങളില്‍
രാപ്പാടിയുണരും സ്വരരാഗിയില്‍
പനിനീര്‍ക്കിനാകളില്‍ പ്രണയാംഗുരം
ഇതുനമ്മള്‍ ചേരും സുഗന്ധതീരം

വര്‍ണ്ണപതംഗം തേടും മൃദുയ്യൗവ്വനങ്ങളില്‍
അനുഭൂതിയേകും പ്രിയ സംഗമം
കൗമാരമുന്തിരി തളിര്‍വാടിയില്‍
കുളിരാര്‍ന്നുവല്ലൊ വസന്തരാഗം

പാതിരാമഴയേതോ ഹംസഗീതം പാടി
വീണപൂവിതളെങ്ങോ പിന്‍ നിലാവിലലിഞ്ഞു
നീല വാര്‍മുകിലോലം ചന്ദ്രഹൃദയം തേങ്ങി

കൂരിരുള്‍ ചിമിരില്‍ ഞാനും മൗനവും മാത്രം
എന്നിലുലയും വ്യാമോഹ ജ്വാലയാളുകയായ്‌
എന്റെ ലോകം നീ മറന്നു
ഓര്‍മ്മ പോലും മാഞ്ഞുപോകുവതെന്തേ

ശൂന്യവേദികയില്‍ കണ്ടു നിന്‍ നിഴല്‍ചന്തം
കരിയിലക്കരയായ്‌ മാറി സ്നേഹസാമ്രാജ്യം
ഏകയായ്‌ നീ പോയതെവിടെ
ഓര്‍മ്മപോലും മാഞ്ഞുപോകുവതെന്തേ