Showing posts with label 2003. Show all posts
Showing posts with label 2003. Show all posts
Thursday, February 05, 2009
മനസ്സിനക്കരെ [2]
ചിത്രം: മനസ്സിനക്കരെ
സംവിധാനം: സത്യൻ അന്തിക്കാട്
വർഷം: 2003
രചന: ഗിരീഷ് പുത്തഞ്ചേരി
സംഗീതം: ഇളയരാജ
പാടിയത്: എം.ജി ശ്രീകുമാർ & കോറസ്
മറക്കുടയാൽ മുഖം മറയ്ക്കും മാനല്ലാ
മഷിക്കറുപ്പാൽ മിഴിയെഴുതും മീനല്ലാ
പൂനിലാവല്ല പുലർവേളയിൽ
മുല്ലയാവില്ല മൂവന്തിയിൽ അവൾ
അല്ലിയാമ്പലല്ല കുഞ്ഞുതെന്നലേ കുറുമ്പിന്റെ
മുണ്ടകപ്പാടത്തെ മുത്തും പവിഴവും
കൊയ്യാനെത്തണ പ്രാവാണ്
തങ്കക്കിടാങ്ങളെ തഞ്ചിച്ചും കൊഞ്ചിച്ചും
താരാട്ടാനുള്ള പാട്ടാണ്
പാലാഴിതിങ്കൾവന്നു കൊണ്ടുവന്ന പാൽക്കുടം
പൂക്കാലമെന്റെ ചുണ്ടിലുമ്മവെച്ച തേൻകണം
ഉള്ളിന്നുള്ളിൽ തുമ്പിതുള്ളും ചെല്ലച്ചെറുപ്രായം
വെള്ളിച്ചിലമ്പിട്ടു തുള്ളികളിക്കുന്ന
കണ്ണാടിപ്പുഴ ചേലാണ്
വെണ്ണിലാപ്പെണ്ണിന്റെ മൂക്കുത്തിക്കല്ലിലെ
മുത്തോലും മണിമുത്താണ്
കസ്തൂരികാറ്റുവന്നു കൊണ്ടുതന്നപൂമണം
മിന്നാരംമിന്നൽപോലെ മിന്നിമാഞ്ഞ പൊൻനിറം
ഉള്ളിന്നുള്ളിൽ പെയ്തിറങ്ങും ചില്ലുമഴക്കാലം
Click Here To View The Song "Marakkudayaal Mugham Maraykkum"
ചിത്രം: മനസ്സിനക്കരെ
സംവിധാനം: സത്യൻ അന്തിക്കാട്
വർഷം: 2003
രചന: ഗിരീഷ് പുത്തഞ്ചേരി
സംഗീതം: ഇളയരാജ
പാടിയത്: ആശ മേനോൻ, വിജയ് യേശുദാസ്
തങ്കതിങ്കൾ വാനിലൊരുക്കും വർണ്ണക്കൊട്ടാരം
സങ്കൽപ്പങ്ങൾ പൂത്തുവിടർത്തും സ്വർണ്ണപ്പൂന്തോട്ടം
മുറ്റത്തേ ഒരുനക്ഷത്രം ഒറ്റയ്ക്കെത്തി കാവൽനിൽക്കും
സ്വർഗ്ഗത്തിൻ ഒരുസംഗീതം വിണ്ണിൽനിന്നും മാലാഖമാർ പാടും
ചിത്തിരമുത്തു വിളക്കുതിരികൊളുത്തും മണിമിഴിയഴകിൽ
കിഴക്കിലുദിച്ചൊരു ചിത്രം വരഞ്ഞുതരും രവികിരണങ്ങളിൽ
നദിയോരം വർണ്ണശലഭങ്ങൾ ചിറകാട്ടും ശ്രുതിമധുരങ്ങൾ
കണ്ണിലേ കാവലായ് എന്നിലേ പാതിയായ്
എന്നുമെൻ യാത്രയിൽ കൂടെ വരുമോ
ലാത്തിരി പൂത്തിരി രാത്രിയിൽ തെളിയുമൊരിളമനസ്സുകളിൽ
നവരാത്രിയൊരുക്കണ ഒരുത്സവലഹരികൾ തരും സ്വരമഴയിൽ
നനയാതെ മനം നനഞ്ഞുവോ അറിയാതെ സ്വയം അറിഞ്ഞുവോ
സൂര്യനും ചന്ദ്രനും സാക്ഷിയായ് നിൽക്കവേ
സ്വർഗ്ഗമീ മണ്ണിലേക്കിറങ്ങും ഇവിടെ
Click Here To View The Song "Thankathinkal Vaanilorukkum"
Wednesday, December 17, 2008
സ്ഥിതി [1]
ചിത്രം: സ്ഥിതി
സംവിധാനം: ആർ.ശരത്ത്
വർഷം: 2003
രചന: പ്രഭാ വർമ്മ
സംഗീതം: ഉണ്ണി മേനോൻ
പാടിയത്: ഉണ്ണി മേനോൻ
ഒരു ചെമ്പനീർ പൂവിറുത്തു ഞാനോമലേ
ഒരു വേള നിൻ നേർക്കു നീട്ടിയില്ല
എങ്കിലും എങ്ങനെ നീയറിഞ്ഞു
എന്റെ ചെമ്പനീർ പൂക്കുന്നതായ് നിനക്കായ്
സുഗന്ധം പരത്തുന്നതായ് നിനക്കായ്
പറയൂ നീ പറയൂ പറയൂ നീ പറയൂ
അകമേ നിറഞ്ഞ സ്നേഹമാം മാധുര്യം
ഒരു വാക്കിനാൽ തൊട്ടു ഞാൻ നൽകിയില്ല
നിറനീലരാവിലെ ഏകാന്തതയിൽ
നിൻ മിഴിയിലെ നനവൊപ്പി മായ്ച്ചതില്ല
എങ്കിലും നീ അറിഞ്ഞൂ എൻ നിനവെന്നും
നിൻ നിനവറിയുന്നതായ് നിന്നെ തഴുകുന്നതായ്
തനിയേ തെളിഞ്ഞ രാഗമാം ശ്രീരാഗം
ഒരു മാത്രനീ ഒത്തു ഞാൻ മൂളിയില്ല
പുലർമഞ്ഞു പെയ്യുന്ന യാമത്തിലും
നിൻ മൃദുമേനിയൊന്നു പുണർന്നതില്ല
എങ്കിലും നീ അറിഞ്ഞൂ എൻ മനമെന്നും
നിൻ മനമറിയുന്നതായ് നിന്നെ തലോടുന്നതായ്
Thursday, November 06, 2008
മിഴി രണ്ടിലും
ചിത്രം: മിഴി രണ്ടിലും
വർഷം: 2003
രചന: വയലാർ ശരത്ചന്ദ്രവർമ്മ
സംഗീതം: രവീന്ദ്രൻ
പാടിയത്: പി.ജയചന്ദ്രൻ
ആലിലത്തലിയുമായ് വരുനീ
തിങ്കളേ ഇതിലേ ഇതിലേ
ആവണിപൊയ്കയിൽ നാണമോലും
ആമ്പലോ വധുവായ് അരികേ
മാനത്തായ് മുകിലകലെമറയുമൊരു
യാമത്തിൽ അനുരാഗമലിയുമൊരു
മാംഗല്യം രാവിൽ
മേലെമാളികയിൽ നിന്നും
രഥമേറി വന്നു മണിമാരൻ
മണവാട്ടിയായ വരമഞ്ജുളാംഗിയുടെ
സ്വന്തമായ നിമിഷം
വരവേൽക്കു മൈനേ നിറ മംഗളമരുളൂ കോകിലമേ
സുരഭിലമായൊരു മണിയറ മെനയൂ
മധുവന മാനസമേ
ചന്ദന കുറിയണിഞ്ഞും നറു കുങ്കുമ തിലകമോടെ
കനകാംഗുലീയമണിയുന്ന
ദേവ സവിദേവി ലോല നീയേ
ഇതളണിയുന്നല്ലോ കുമുദിനിയുടെ
കനവുനിലാവൊളിയിൽ
പുതിയൊരു ജീവിത വനികയിലുണരു
കുറുമൊഴി മുല്ലകളേ
Click Here To View The Song "Aalilathaaliyumaay"
Saturday, November 01, 2008
ഗ്രാമഫോൺ
ചിത്രം: ഗ്രാമഫോൺ
വർഷം: 2003
പാടിയത്: പി.ജയചന്ദ്രൻ, എറാൻഹാളി മൂസ & കോറസ്
സംഗീതം: വിദ്യാസാഗർ
രചന: ഗിരീഷ് പുത്തഞ്ചേരി
മയ്യണ്ണിക്കണ്ണിന്റെ മഞ്ചാടിക്കടവത്ത്
മണിമാരൻ വരുന്നതും കാത്ത്
കസ്തൂരിനിലാവിന്റെ കനവുപുൽപ്പായയിൽ
ഉറങ്ങാതിരുന്നോളേ ഉറങ്ങാതിരുന്നോളേ
എന്തേ ഇന്നും വന്നീല്ല
നിന്നോടൊന്നും ചൊല്ലീല്ല
അനുരാഗം മീട്ടും ഗന്ധർവ്വൻ
നീ സ്വപ്നം കാണും
ആകാശത്തോപ്പിൻ കിന്നരൻ
മണിവളത്തിളങ്ങണ കൈയാലേ
വിരൽ ഞൊട്ടിവിളിക്കണതാരാണ്
മുഴുതിങ്കൾ ഉദിക്കണമുകിലോരം
മുരശൊലി മുഴക്കണതാരാണ്
ഓഹ് വിളക്കിന്റെ നാളം
പോലേ ഈ പൊൻതൂവൽ വീശും
മാറ്റേറും മഴപ്രാവേ
ഓഹ് കളിയാടി പാടാൻ നേരമായ്
എൻ ഹൃദയത്തിൻ ചന്ദനവാതിൽ
നിനക്കായ് മാത്രം തുറക്കാം ഞാൻ
നിൻ മിഴിയാകും മധുപാത്രത്തിലേ
മാസ്മരമധുരം നുകരാം ഞാൻ
മധുവർണ്ണപൂവല്ലേ
നറുനീലപൂമോളല്ലേ
മധുരപതിനേഴിൻ
ലെംഗിമറിയുന്നോളേ
നിൻ പ്രണയത്തിൻ താമരനൂലിൽ
ഓർമ്മകൾ മുഴുവൻ കോർക്കാം ഞാൻ
നിന്നെയുറക്കാൻ പഴയൊരു ഗസലിൻ
നിർവ്വൃതിയെല്ലാം പകരാം ഞാൻ
ചിത്രം: ഗ്രാമഫോൺ
വർഷം: 2003
പാടിയത്: സുജാത, കെ.ജെ യേശുദാസ്
സംഗീതം: വിദ്യാസാഗർ
രചന: ഗിരീഷ് പുത്തഞ്ചേരി
നിനക്കെന്റെ മനസ്സിലെ
മലരിട്ട വസന്തത്തിൻ
മഴവില്ലു മെനഞ്ഞുതരാം
മിഴിയ്ക്കുള്ളിൽ എരിയുന്ന
നറുതിരി വെളിച്ചത്തിൻ
ഒരുതുള്ളി കവർന്നുതരാം
ഒരു സ്വർണ്ണത്തരിയായ് മാറിൽ
തലചായ്ക്കാൻ മോഹിച്ചെത്തി
ഒരുകുമ്പിൾ പനിനീരായ് നിൻ
പാട്ടിലലിഞ്ഞു തുളുമ്പീ ഞാൻ
നീ അരികിൽ നിൽക്കുംനേരം
പ്രണയംകൊണ്ടെൻ കരൾപിടയും
ഇതളോരത്തിളവേൽകുമ്പിൻ
ശലഭംപോൽ ഞാൻ മാറിടും
നീ തൊട്ടുണർത്തുമ്പോൾ
നക്ഷത്രമാവും ഞാൻ
നീ ചേർന്നു നിൽക്കുമ്പോൾ
എല്ലാം മറക്കും ഞാൻ
പാദസരങ്ങളണിഞ്ഞ മനസ്സിലൊര-
ആയിരമായിര ഓർമ്മകളാവുക നീ
മായപ്പൊൻവെയിലിൻ നാളം
മിഴിയാലുഴിയും വിൺസന്ധ്യേ
സ്വപ്നത്തിൻ വാതിൽപ്പടിമേൽ
വന്നു വിളിച്ചു നീ എന്തേ
പ്രാണന്റെ വെൺപ്രാവായ്
പാടുന്നു നീ മെല്ലേ
പ്രേമാർദ്രമായെന്തോ
ചൊല്ലുന്നു നീ മെല്ലേ
പിന്നെയുമെന്റെ കിനാക്കളെയുമ്മ കൊടുത്തു
കൊടുത്തു മയക്കിയുണർത്തുക നീ
ചിത്രം: ഗ്രാമഫോൺ
വർഷം: 2003
പാടിയത്: കെ.ജെ യേശുദാസ്
സംഗീതം: വിദ്യാസാഗർ
രചന: ഗിരീഷ് പുത്തഞ്ചേരി
വിളിച്ചതെന്തിനു വീണ്ടും
വെറുതേ വിളിച്ചതെന്തിനു വീണ്ടും
നേർത്തൊരു പാട്ടിന്റെ നൊമ്പരം
കൊണ്ടെന്നെ വിളിച്ചതെന്തിനു വീണ്ടും
വെറുതേ നീ വെറുതേ വെറുതേ നീ വെറുതേ
ആകാശംകാണാതെ നീഉള്ളിൽ സൂക്ഷിക്കും
ആശതൻ മയിൽപ്പീലി പോലേ
ഈറനണിഞ്ഞക്കിനാവുകൾക്കുള്ളിലേ
ഇത്തിരി സ്നേഹത്തിൻ കവിതപോലേ
വിരിഞ്ഞതെന്തിനു വീണ്ടും
നെഞ്ചിൽ അലിഞ്ഞതെന്തിനു വീണ്ടും
അജ്ഞാതമാമൊരു തീരത്തു നിന്നോ
ആഴിതൻ മറുകരെ നിന്നോ
ജന്മങ്ങൾക്കപ്പുറം പെയ്തൊരു മഴയുടെ
മർമ്മരം കേൾക്കുമീ മനസ്സിൽ നിന്നോ
മറഞ്ഞതെന്തിനു വീണ്ടും
എങ്ങോ പറന്നതെന്തിനു വീണ്ടും
Monday, September 22, 2008
കിളിച്ചുണ്ടൻ മാമ്പഴം
ചിത്രം: കിളിച്ചുണ്ടൻ മാമ്പഴം
വർഷം: 2003
പാടിയത്: സുജാത, വിനീത് ശ്രീനിവാസൻ
കസവിന്റെ തട്ടമിട്ട് വെള്ളിയരഞ്ഞാണമിട്ട്
പൊന്നിന്റെ കൊലുസ്സുമിട്ടൊരു മൊഞ്ചത്തി
കൂന്താലി പുഴയൊരു വമ്പത്തി
ഇവളുടെ മുന്നുംപിന്നും കണ്ടു കൊതിച്ചവർ
മിന്നും മെഹറും കൊണ്ടു നടന്നവർ
കൂനി കൂടി താടി വളർത്തി
കയറൂരി പാഞ്ഞു പഹയത്തി
കൂന്താലി പുഴയൊരു വമ്പത്തി
കുളിരിന്റെ തട്ടുടുത്ത്
തുള്ളിവരും നാണമൊത്ത്
പെണ്ണിന്റെ പുതുക്ക നെഞ്ചൊരു ചെണ്ടല്ലേ നീ
കൂന്താലി പുഴയിതു കണ്ടില്ലേ നീ
അവളുടെ അക്കം പക്കം നിന്നവരും
ഒപ്പം പലതും കെട്ടി മെനഞ്ഞതും
കൂടെ കൂടെ പാടി ഒരുക്കി
തലയൂരി പോന്നു കള്ളി പഹയത്തി
കൂന്താലി പുഴയൊരു വമ്പത്തി
കനവിന്റെ മുത്തടുക്കി
ഉള്ളിലിരുന്നു ആണൊരുത്തൻ
പെണ്ണെന്തു വരുന്നീലൊപ്പന തീർന്നല്ലോ
ആ കൂന്താലി പുഴയവൾ പോയല്ലോ
അവളൊരു കണ്ണും കയ്യും കൊണ്ടു തരാഞ്ഞതു
പെണ്ണിനു കരളും ചെണ്ടു തളച്ചത്
മാരനു കാണാ താമര നീട്ടി
ചിരിതൂകി പൊന്നു തുള്ളി പഹയത്തി
കൂന്താലി പുഴയൊരു വമ്പത്തി
Friday, September 07, 2007
ബാലേട്ടന് [1]
ചിത്രം: ബാലേട്ടന്
സംവിധാനം: വി.എം വിനു
വർഷം: 2003
രചന: ഗിരീഷ് പുത്തഞ്ചേരി
സംഗീതം: എം.ജയചന്ദ്രൻ
പാടിയത്: കെ.ജെ യേശുദാസ് [കെ.എസ് ചിത്ര]
ഇന്നലെ എന്റെ നെഞ്ചിലെ കുഞ്ഞു മണ് വിളക്കൂതിയില്ലെ
കാറ്റെന് മണ് വിളക്കൂതിയില്ലെ
കൂരിരുള് കാവിന്റെ മുറ്റത്തെമുല്ലപ്പോല് ഒറ്റക്കു നിന്നില്ലെ
ഞാനിന്നു ഒറ്റക്കു നിന്നില്ലെ..
ദൂരേ നിന്നും പിന് വിളിക്കൊണ്ടെന്നെ ആരും വിളിച്ചില്ല.
കാണാക്കണ്ണീരിന് കാവലിന് നൂലിഴ ആരും തുടച്ചില്ല
ചന്ദനപ്പൊന് ചിതയില് എന്റെ അച്ഛനെരിയുമ്പോള്
മച്ചകത്താരൊ തേങ്ങിപ്പറക്കുന്നതമ്പലപ്രാവുകളോ..
ഇന്നലെ എന്റെ നെഞ്ചിലെ.....
ഉള്ളിന്നുള്ളില് അക്ഷരപ്പൊട്ടുകള് ആദ്യം തുറന്നു തന്നു
കുഞ്ഞിക്കാലടി ഓരടിത്തെറ്റുമ്പൊള് കൈത്തന്നു കൂടെ വന്നു
ജീവിത പാതകളില് ഇനി എന്നിനി കാണും നാം
മറ്റൊരു ജന്മം കൂടെ ജനിക്കാന് പുണ്യം പുലര്ന്നീടുമൊ
പുണ്യം പുലര്ന്നീടുമൊ...
ഇന്നലെ എന്റെ നെഞ്ചിലെ കുഞ്ഞു മണ് വിളക്കൂതിയില്ലെ
കാറ്റെന് മണ് വിളക്കൂതിയില്ലെ
കൂരിരുള് കാവിന്റെ മുറ്റത്തെമുല്ലപ്പോല് ഒറ്റക്കു നിന്നില്ലെ
ഞാനിന്നു ഒറ്റക്കു നിന്നില്ലെ..
Click Here To View The Song "Innale Ente Nenjile"
Subscribe to:
Posts (Atom)