ഉണ്ണികളെ ഒരു കഥപറയാം [1]

---

ചിത്രം: ഉണ്ണികളെ ഒരു കഥപറയാം
സംവിധാനം: കമൽ
വർഷം: 1987
രചന: ബിച്ചു തിരുമല
സംഗീതം: ഔസേപ്പച്ചൻ
പാടിയത്‌: കെ.ജെ യേശുദാസ്‌

---

ഉണ്ണികളെ ഒരു കഥപറയാം ഈ പുല്ലാങ്കുഴലിൻ കഥപറയാം
പുൽമേട്ടിലോ പൂങ്കാട്ടിലോ പുൽമേട്ടിലോ പൂങ്കാട്ടിലോ
എങ്ങോ പിറന്നുപണ്ടിളംമുളം കൂട്ടിൽ

മഞ്ഞുംമണിത്തെന്നലും തരും കുഞ്ഞുമ്മ കൈമാറിയും
വേനൽക്കുരുന്നിന്റെ തൂവലാൽ തൂവലകൾ തുന്നിയും
പാടാത്തപാട്ടിന്റെ ഈണങ്ങളേ തേടുന്ന കാറ്റിന്റെ ഓളങ്ങളിൽ
ഉള്ളിന്റെ ഉള്ളിലെ നോവിന്റെ നൊമ്പരം ഒരുനാളിൽ സംഗീതമായ്‌
പുല്ലാങ്കുഴൽ നാദമായ്‌

പുല്ലാഞ്ഞികൾ പൂത്തുലഞ്ഞിടും മേച്ചിൽപ്പുറം തന്നിലും
ആകാശക്കൂടാരക്കീഴിലെ ആശാമരച്ചോട്ടിലും
ഈ പാഴ്‌മുളം തണ്ട്‌ പൊട്ടുംവരെ ഈ ഗാനമില്ലാതെയാകും വരെ
കുഞ്ഞാടുകൾക്കെന്നും കൂട്ടായിരുന്നിടും ഇടയന്റെ മനമാകുമീ
പുല്ലാങ്കുഴൽ നാദമായ്‌

---

അനുഭവം

---

ചിത്രം: അനുഭവം
വർഷം: 1976
രചന: ബിച്ചു തിരുമല
സംഗീതം: എ.റ്റി ഉമ്മർ
പാടിയത്‌: കെ.ജെ യേശുദാസ്‌

---

വാകപ്പൂമരംചൂടും വാരിളം പൂങ്കുലയ്ക്കുള്ളിൽ
വാടകയ്ക്കൊരു മുറിയെടുത്തു വടക്കൻതെന്നൽ
പണ്ടൊരു വടക്കൻതെന്നൽ

വാതിലിൽ വന്നെത്തിനോക്കിയ വസന്തപഞ്ചമിപ്പെണ്ണിൻ
വളക്കിലുക്കം കേട്ടു കോരിത്തരിച്ചു നിന്നു
തെന്നൽ തരിച്ചു നിന്നു
വിരൽ ഞൊടിച്ചുവിളിച്ച നേരം
വിരൽ കടിച്ചവൾ അരികിൽവന്നു
വിധുവദനയായ്‌ വിവശയായവൾ
ഒതുങ്ങിനിന്നു നാണംകുണുങ്ങിനിന്നു

തരളഹൃദയ വികാരലോലൻ
തെന്നലവളുടെ ചൊടിനുകർന്നു
തണുവണിർത്തളിർശയ്യയിൽ തനുതളർന്നുവീണു
തമ്മിൽ പുണർന്നു വീണു
പുലരിവന്നു വിളിച്ചനേരം
അവനുണർന്നൊന്നവളെ നോക്കി
അവളടുത്തില്ലകലയെങ്ങോ
മറഞ്ഞുപോയി തെന്നൽ പറന്നുപോയി

---

Click Here To View The Song "Vaakapoomaram Choodum"

വിയറ്റ്‌നാം കോളനി

---

ചിത്രം: വിയറ്റ്‌നാം കോളനി
വർഷം: 1992
പാടിയത്‌: കെ.ജെ യേശുദാസ്‌ [മിന്മിനി]
സംഗീതം: എസ്‌.ബാലകൃഷ്ണൻ
രചന: ബിച്ചു തിരുമല

---

ലല്ലലം ചൊല്ലുന്ന ചെല്ലകിളികളേ
വേടൻ കുരുക്കും കടങ്കഥ ഇക്കഥ
ഇക്കഥയ്ക്കുത്തരം തേടുവാൻ കൂടാമോ
ഇല്ലെങ്കിൽ സൊല്ലെങ്കിൽ ഇല്ലില്ല സമ്മാനം
നീലകുരുവികളും ചോലപറവകളും
മേളിച്ചകാട്ടിലെങ്ങോ ഒരു വേടൻ വലവിരിച്ചു
ഇത്തിരിവിത്തെറിഞ്ഞു ഒത്തിരികൊത്തെറിഞ്ഞു
പക്ഷികൾ വന്നണഞ്ഞു ആ പാവങ്ങളെന്തറിഞ്ഞു
കാലെടുത്തു കൊക്കുടക്കി കൊക്കെടുത്തു മേലുടക്കി
തച്ചുംചിറകിട്ടടിച്ചും ആ പാവങ്ങൾ ആ വലയ്ക്കുള്ളിൽ
കുഴഞ്ഞു പോയ്‌

വേടൻ വരുന്നേ കാടൻ വരുന്നേ
കൂടൊരു മാടനുണ്ടേ കൂട്ടരും കൂടെയുണ്ടേ
കാടും കിടുക്കി മേടും കുലുക്കി
ചാടിത്തിമിർക്കണുണ്ടേ ആയുധം കൈയ്യിലുണ്ടേ
കല്ലേലെല്ലാം രാകുന്നേ കത്തിയ്ക്കു വാൾത്തലയേറ്റുന്നേ
ചുള്ളീംകൊള്ളീം കൂട്ടുന്നേ കത്തിച്ചുതീയെല്ലാം കൂട്ടുന്നേ
വെള്ളംതിളയ്ക്കുമ്പോൾ ഉള്ളംപിടയ്ക്കുമ്പോൾ
പൈങ്കിളി പാവങ്ങളെന്തു ചെയ്യും
ആരുണ്ടൊരുത്തരം കണ്ടെടുക്കാൻ

മാനത്തു നിന്നും മാടത്തെയുണ്ണാൻ
നേരത്തു വന്നിറങ്ങി താഴേ പറന്നിറങ്ങി
ആവലയ്ക്കുള്ളിൽ ജീവൻ കൊതിക്കും
പ്രാണങ്ങളോടു ചൊല്ലി ഒന്നിച്ചു നിന്നുകൂടേ
വേറേ വേറേ ആകുമ്പോൾ വേലകളെല്ലാം പാഴല്ലേ
ഒന്ന് രണ്ട്‌ മൂന്നെണ്ണി ഒന്നിച്ചുയർന്നവർ മാനത്ത്‌
കണ്ണും മിഴിച്ചങ്ങ്‌ കാടന്മാർ നിന്നപ്പൊ
ആവലവീണു തലയ്ക്കു മീതേ
കാടത്തം സ്വന്തം വലയ്ക്കകത്തായ്‌

---

---

ചിത്രം: വിയറ്റ്‌നാം കോളനി
വർഷം: 1992
പാടിയത്‌: മിന്മിനി
സംഗീതം: എസ്‌.ബാലകൃഷ്ണൻ
രചന: ബിച്ചു തിരുമല

---

പാതിരവായിനേരം
പനിനീർക്കുളിരമ്പിളി
എന്റെ മനസ്സിന്റെ
മച്ചുന്മേലിന്തിനിന്നു
ഉറങ്ങാതലയുന്നു നീ
ആരീരംരാരം പാടി
കടിഞ്ഞൂൽ കനവോടെയീ
താഴെ തണുപ്പിന്റെ
കിക്കിളി പായയിൽ
ഉറങ്ങാതുരുകുന്നു ഞാൻ

നിന്നെ തലോടും തെന്നൽ
കള്ളക്കൊഞ്ചലുമായി
പമ്മിപതുങ്ങി വന്നു
കിളിവാതിലിലൂടെ
കിന്നാരക്കാറ്റിന്റെ കാതിൽ
പുന്നാരം ഞാനൊന്നു ചൊല്ലി
നിന്നെ ഉറക്കാൻ ഞാനുണർന്നീ
രാവിനു കൂട്ടിരുന്നേ

മഞ്ഞുപൊതിഞ്ഞ മോഹം
മിഴിമൂടിയ നാണം
എന്നിലൊതുങ്ങി നിന്നേ
എന്നെ ഞാനും മറന്നേ
ഗോവണിതാഴത്തു വന്നേ
ദാവണിസ്വപ്നവും കണ്ടേ
നിന്നെ ഉറക്കാൻ ഞാനുണർന്നീ
രാവിനു കൂട്ടിരുന്നേ

---

ഗാന്ധി നഗർ 2nd സ്റ്റ്രീറ്റ്‌

---

ചിത്രം: ഗാന്ധി നഗർ 2nd സ്റ്റ്രീറ്റ്‌
വർഷം: 1986
പാടിയത്‌: ഉണ്ണി മേനോൻ
സംഗീതം: ശ്യാം
രചന: ബിച്ചു തിരുമല

---

ഓർമ്മയിൽ ഒരു ശിശിരം
ഓമനിക്കാൻ ഒരു ശിശിരം
ഇലവിരൽ തുമ്പുകളിൽ ഇളംമഞ്ഞുതിരും
തളിർമര ചില്ലകളിൽ
തഴുകിവരും തെന്നലിനും
കഥപറയാനൊരു ശിശിരം

കുടമണി വിതറും പുലരികളിൽ
കൂടണയും സന്ധ്യകളിൽ
ഒരേ ചിറകിൽ ഒരേ കനവിൽ
കുളിരും തളിരും ലഹരികളും
പങ്കിടുവാൻ മോഹമെഴും
ഇണകുരുവികളുടെ ശിശിരം

മതികലയെഴുതും കവിതകളിൽ
രാക്കുയിലിൻ ഗാഥകളിൽ
ഒരേ ശ്രുതിയായ്‌ ഒരേ ലയമായ്‌
മിഴിയും മൊഴിയും യൗവ്വനവും
കതിരണിയാൻ ദാഹമെഴും
യുവമനസ്സുകളുടെ ശിശിരം

---

റാംജി റാവു സ്പീക്കിംഗ്

---

ചിത്രം: റാംജി റാവു സ്പീക്കിംഗ്‌
വർഷം: 1989
സംഗീതം: എസ്‌.ബാലകൃഷ്ണൻ
രചന: ബിച്ചു തിരുമല
പാടിയത്‌: കെ.എസ്‌ ചിത്ര, എം.ജി ശ്രീകുമാർ, ഉണ്ണി മേനോൻ

---

ഒരായിരം കിനാക്കളാൽ കുരുന്നുകൂട്‌ മേഞ്ഞിരുന്നു മോഹം
കൊളുത്തിയും കെടുത്തിയും പ്രതീക്ഷകൾ വിളക്കുവെച്ചു മോഹം
എത്ര എത്ര കാതം അപ്പുറത്തു നിന്നും
എത്തി നീ ഇപ്പോഴും ദു:ഖ സത്യമേ

മുനിയുടെ ശാപം കവിതകളായി
കിളിയുടെ നിണംവീണ നിബിണങ്ങളിൽ
ഇണയുടെ വിരഹം കവിയുടെ ഹൃദയം
മൊഴികൾ ആകിയതു കവിതയായ്‌ ഒഴുകി
കനിവൂറും മനസ്സേ
നിനക്കു നിറയേ വന്ദനം

സ്വർഗ്ഗമന്ദിരം പണിഞ്ഞു സ്വപ്നഭൂമിയിൽ
കാലം എന്റെ കൈകളിൽ വിലങ്ങിടുമ്പോഴും
കൊച്ചു കൊച്ചു മോഹം മച്ചകത്തിൽ ഇന്നും
രാരീരം പാടുവാൻ കാതോർത്തു നിൽപ്പൂ

തപ്പ്‌താളം തകിലുമേളം ഖൽബിന്റെ പന്തലിൽ
ഗെസ്സു കെട്ടണ ഗസ്സലുപാടണ കല്യാണപ്പന്തലിൽ! ആ കല്യാണപ്പന്തലിൽ!
തരിവള കയ്യിൽ സരിഗമ പാടി
കരിമിഴി ഇണയിൽ സുറുമയും എഴുതി
തടവറയിൽ കടക്കും മുമ്പേ
മയക്കം എന്തേ മാരിക്കൊളുന്തേ
കതകുകൾ ചാരി കളിചിരി ഏറി
പുതുമകൾ പാറാതെ പുളകവും ഇളകി
കുറുമ്പു മുല്ലേ കുളിരു മെല്ലെ
മധുരം അല്ലേ മഥനക്കിളിയേ

---

---

ചിത്രം: റാംജി റാവു സ്പീക്കിംഗ്‌
വർഷം: 1989
സംഗീതം: എസ്‌.ബാലകൃഷ്ണൻ
രചന: ബിച്ചു തിരുമല
പാടിയത്‌: കെ.എസ്‌ ചിത്ര, എം.ജി ശ്രീകുമാർ

---

കണ്ണീർ കായലിലേതോ കടലാസ്സിന്റെ തോണി
അലയും കാറ്റിൽ ഉലയും രണ്ടു കരയും ദൂരെ ദൂരെ
മനസ്സിലെ ഭാരം പങ്കുവെയ്ക്കുവാൻ
കൂടെ ഇല്ലൊരാളും കൂട്ടിനു വേറെ

ഇരുട്ടിൽ അങ്ങേതൊ കോണിൽ നാലഞ്ചു നക്ഷത്രങ്ങൾ
കാവൽ വിളക്കെന്നോണം കാണാം എന്നാലും
കറുപ്പെഴും മേഘക്കീഴിൽ വീഴുന്ന മിന്നൽ ചാലിൽ
രാവിന്റെ ശാപം തെല്ലും തീരില്ലെന്നാലും
തിരക്കയ്യിൽ ആടി തീരങ്ങൾ തേടി
നിശയറിയാതെ കാതോർത്തു നിൽക്കു
കടൽ പക്ഷി പാടും പാട്ടൊന്നു കേൾക്കാം

ചുഴത്തിരക്കുള്ളിൽ ചുറ്റും ജീവന്റെ ആശനാളം
കാറ്റിന്റെ കൈകൾ കെട്ടും യാമങ്ങൾ മാത്രം
വിളമ്പുവാൻ ഇല്ലെന്നാലും നോവിന്റെ മൺപാത്രങ്ങൾ
ദാഹിച്ച നീരിന്നൂഴം തേടുന്നു വീണ്ടും
വിളിപ്പാടു ചാരേ വീശുന്ന ശീലിൽ
കിഴക്കിന്റെ ചുണ്ടിൽ പൂശുന്ന ശീലിൽ
അടുക്കുന്നു തീരം ഇനിയില്ല ദൂരം

---

മണിചിത്രത്താഴ്‌

---

ചിത്രം: മണിചിത്രത്താഴ്‌
വർഷം: 1993
രചന: ബിച്ചു തിരുമല
സംഗീതം: എം.ജി രാധാകൃഷ്ണൻ
പാടിയത്‌: യേശുദാസ്‌

പഴംതമിഴ്‌ പാട്ടിഴയും ശ്രുതിയില്‍
പഴയൊരു തംബുരു തേങ്ങി
മണിച്ചിത്രത്താഴിനുള്ളില്‍ വെറുതേ
നിലവറ മൈന മയങ്ങി
സരസസുന്ദരീ മണി നീ
അലസമായ്‌ ഉറങ്ങിയോ
കനവുനെയ്തൊരാത്മരാഗം
മിഴികളില്‍ പൊലിഞ്ഞുവോ
വിരലില്‍ നിന്നും വഴുതിവീണു
വിരസമായൊരാദിതാളം

വിരഹഗാനം വിതുമ്പിനില്‍ക്കും
വീണപോലും മൗനമായ്‌
വിധുരയാമി വീണപൂവിന്‍
ഇതളറിഞ്ഞ നൊമ്പരം
കന്മതിലും കാരിരുളും
കണ്ടറിഞ്ഞ വിങ്ങലുകള്‍

കുളിരിനുള്ളില്‍ സ്വയമിറങ്ങി
കഥമെനഞ്ഞ പൈങ്കിളീ
സ്വരമുണര്‍ന്നും നാവിലെന്റെ
വരിമറന്ന പല്ലവി
മഞ്ഞുറയും രാവറയില്‍
മാമലരായി നീ പൊഴിഞ്ഞു

---